Դուք ի՞նչ եք մտածում այդ քաղաքացիներին օգնելու համար

timthumb (7)

ԱԺ հերթական քառօրյայում այսօր քննարկման դրվեց ՀՀ կառավարության եւ Մոլդովայի կառավարության միջեւ կնքված՝ քաղաքացիների առանց մուտքի արտոնագրի այցելությունների մասին համաձայնագիրը վավերացնելու հարցն էր:

Հիմնական զեկուցող, փոխարտգործնախարար Շավարշ Քոչարյանը նշեց, որ համաձայն փոփոխված Սահմանադրության, Խորհրդարանը համաձայնագիրը պետք է հաստատի օրենքով: «Բոլորս տեղյակ ենք, որ ԱՊՀ շրջանակներում գործում է առանց մուտքի արտոնագրերի փոխադարձ այցելությունների դրույթը: Սակայն, արդեն ձևավորվել է պրակտիկա, որ ԱՊՀ անդամ պետությունները  նման երկկողմ համաձայնագրեր են ստորագրում»,- ասաց Քոչարյանը:

ԵԼՔ խմբակցության ղեկավար Նիկոլ Փաշինյանը հարց ուղղեց փոխարտգործնախարարին` ինչքանո»վ է այս միգրացիոն նախաձեռնությունն առնչվում ՀՀ քաղաքացիների հետ՝ այլ երկրներում, եւ ինչ քայլեր են ձեռնարկվում՝ ՌԴ-ից ՀՀ քաղաքացիների արտաքսման հարցը լուծելու համար. «ՌԴ-ից ՀՀ քաղաքացիներին արտաքսել ասեմ, թե մուտքի հնարավորություն չտալը, դեպորտացիայի ենթարկելու հարցը հիմա շատ հրատապ է: Դրա հետեւանքով հարյուրավոր ընտանիքներ կիսված են, մի մասը դեպորտացիայի է ենթարկվել, հնարավորություն չունի ընտանիքին միանալու, այս համաձայնագիրն ինչքանո՞վ կօգնի եւ դուք ի՞նչ եք մտածում այդ քաղաքացիներին օգնելու համար»:

Շավարշ Քոչարյանը պատասխանեց, որ գրասենյակն արեւելյան գործընկերության շրջանակներին, եվրոպական երկրների հետ վիզաների դյուրացման խնդրին է անդրադառնում, այնպես որ, այս ծրագիրն այդ խնդրի հետ չի առնչվում:

Քոչարյանի դիտարկմանն ի պատասխան՝ Նիկոլ Փաշինյանը շարունակեց. «Ըստ էության,  միսիան վերաբերում է դեպորտացիայի ենթարկված աղաքացիներն, ուստի կարո՞ղ եք ասել, թե եվրոպական երկրներից և ՌԴ-ից քանի քաղաքացի է դեպորտացիայի ենթարկվել և ի՞նչ  է անում ՀՀ Կառավարությունը՝ այդ քաղաքացիների համար»:

Պատգամավորի հացադրումներին ի պատասխան, փոխարտգործնախարարը պատասխանեց. «Տվյալ պահին թվեր չեմ կարող ասել, դրանք հետո կարող եմ տրամադրել, իսկ ինչ վերաբերում է դեպորտացիային, ապա ամեն ինչ կարգավորվում է երկրների միջև»:

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *