«Ելք» դաշինքը որոշել է չմասնակցել առաջիկա ՏԻՄ ընտրություններին և պատրաստվել հաջորդին

timthumb (3)

«Ելք» դաշինքը անհրաժեշտ է համարում առաջիկա ՏԻՄ ընտրություններին մասնակցելուց առաջ որոշակի կառուցվածքային փոփոխությունների իրականացումը:

Ազգային ժողովում կազմակերպված ճեպազրույցների շրջանակում այս մասին ասաց «Ելք» խմբակցության պատգամավոր Նիկոլ Փաշինյանը:

«Անհրաժեշտ են ուժեղացումներ մարզերում, ընդհուպ՝ կադրային փոփոխություններ: «Ելք» դաշինքում ձևավորվել է աշխատանքային խումբ, որը կզբաղվի այս բոլոր հարցերով: Մենք հույս ունենք, որ այս ամենի արդյունքում արդեն հաջորդ ՏԻՄ ընտրություններին ակտիվորեն կմասնակցենք»,- ընդգծեց պատգամավորը:

Խմբակցության մեկ այլ պատգամավոր՝ Մանե Թանդիլյանն էլ ասաց, որ ցանկանում են  որակական փոփոխություններ կատարել և հասնել հաղթանակի:

«Այդ է պատճառը, որ որոշել ենք այս անգամ ընտրություններին չմասնակցել, այլ պատրաստվել գալիք ընտրություններին»,- եզրափակեց «Ելք» խմբակցության պատգամավորը:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *