«Ծնկիցդ ներքև ա, գնա ծնկիցդ վերև կտրի՛, արի կարգդ փոխեմ». հաշմանդամություն ունեցողները բողոքում են ամենաթողությունից (տեսանյութ)

timthumb (1)

Հաշմանդամություն ունեցող մի քանի տասնյակ մարդ այսօր առավոտյան կառավարության շենքի առաջ բողոքի ցույց անցկացրեց: Մի մասը ժամանել էր մարզերից, այդ թվում՝ սահմանամերձ Իջևանի, Բերդի, Նոյեմբերյանի տարածաշրջաններից:

Նրանք բողոքում էին իրենց սպասարկող պրոթեզարանի փոփոխության վերաբերյալ՝ պահանջելով իրենց պրոթեզավորման իրավունքը չփոխանցել մեկ այլ կազմակերպության, քանի որ, իրենց խոսքով, առաջին դեպքում պրոթեզները պատրաստվում են գերմանական տեխնոլոգիաներով:

Նախկինում նրանց սպասարկել է «Ինտերօրթո» պրոթեզավորման գերմանական կենտրոնը, իսկ հիմա տվյալ գործառույթը իրականացնում է «Պրոթեզաօրթոպեդիկ» ՍՊԸ-ն:

«Վանաձորում գնացել եմ Մարզպետ Մինասյանի մոտ: Ասացի՝ վիրահատվել եմ, հունիսի 13-ին ոտքս հեռացրել են, եկել եմ՝ կարգս փոխեմ, ասում է՝ ծնկիցդ ներքև ա, գնա ծնկիցդ վերև կտրի, արի կարգդ փոխեմ: Կամ՝ ասում ա կաստիլներով ես, քեզ կարգ չի հասնում, դրանից էլ գոհ եղի: 16 000 թոշակ են տալիս, վարկեր են ավելացնում: Ասում էին Կարեն Կարապետյանը լավ մարդ ա, Ռուսաստանից ա եկել, բան կփոխի, է՞ս ա փոխելը: Կարեն ջան, լավ ա, որ եկել ես, բա իջի ներքև, ժողովուրդը քեզ ասելու բան ունի: Ինչքա՞ն կարելի ա»,- բողոքում է հաշմանդամներից մեկը:

Բողոքի ակցիայի մասնակիցներին ի վերջո մոտեցան կառավարության ներկայացուցիչները: Նրանց փորձելով հանգստացնել հավաքվածներին, ասում էին, որ ծառայությունները գրեթե հավասարաչափ բաշխվել են երկու կազմակերպությունների միջև, թեև մրցույթի վերջնական արդյունքները դեռևս հայտնի չեն: Մրցույթին մասնակցած կազմակերպությունները դեռ պետք է միջազգային չափանիշներին համապատասխանության փաստաթուղթ ներկայացնեն, նաեւ հիմնավորեն, որ ունեն բարձրակարգ պրոթեզիստներ: Իսկ արդյունքները պարզ կլինեն 2 շաբաթվա ընթացքում:

Տեսանյութը՝ armlur.am

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *