Ճշմարտությունը ջրի երես դուրս եկավ. ՀԲՖ-ում կանցկացվի նոր ընտրություն

49731901_227485904839477_4337089921467547648_n

2019 թվականը առանձնակի կարևորություն ունի հայ ազդի համար։ Այս տարի պետք է հատկապես ուշադրություն դարձնել սպորտին, գնահատել մեր մարզիկների գրանցած յուրաքանձյուր հաղթանակը, ուշի ուշով հետևել, որ մեր մարզիկները ոչ մի կողմնակի վեճերի մեջ ներքաշված չլինեն։ Խոսքը հատկապես բռնցքամարտիկներին է վերաբերվում, ովքեր ՀԲՖ նախագահ Արթուր Գևորգյանի քմահաճույքի պատճառով բազմիցս ներքաշվել են կեղտոտ պատմությունների մեջ, բազմիցս «վահան» են դարձել Գևորգյանի համար։ Բոլորը գիտեն հայկական բռնցքամարտի պառակտված վիճակի մասին, իսկ թե ինչպես է մեր օրերում ամենդիտարժան ու պահանջված սպորտաձևերից մեկը հայտնվել նման վիճակում՝ անկասկած, պարզաբանման կարիք ունի։ Մոտ կես տարի առաջ՝ օգոստոսի 2-ին, տեղի ունեցավ ՀԲՖ նախագահի ընտրությունը, ընտրվեց Արթուր Գևորգյանը, ինչը բազմաթիվ սպորտասերների, բռնցքամարտիկների ու մարզիչների վրդովվելու պատճառ դարձավ: Նրանք համոզված էին, որ Գևորգյանը ընտրվել է բազմաթիվ խախտումներով, և արդարության համար պահանջում էին նոր ընտրություններ, սակայն նորընտիր նախագահը՝ թեև ստոր ճանապարհով էր հասել իր նպատակին, ոգևորությամբ նշում էր, որ ԱԻԲԱ-ն՝ բռնցքամարտի միջազգային միությունը, շնորհավորել է իրեն, և որ ինքը տարել է արդար հաղթանակ։
Պաշտոնից կառչած Գևորգյանի զարմանքն ու շփոթմունքը անկասկած մեծ էր, երբ դեկտեմբերի 17-ին Հրաչյա Ռոստոմյանը ստացավ ԱԻԲԱ-ի նամակը, ու պարզաբանեց, որ այս ամիսների ընթացքում միջազգային բռնցքամարտի միությունը ուսումնասիրել է ՀԲՖ նախագահի ընտրությունների անցկացման կարգը, ու գտնում է, որ այն չի համապատասխանում կանոնակարգին ու նորմերին, և պետք է անցկացվեն նոր ընտրություններ՝ սահմանված կարգի համաձայն։ Կարծես թե վերջ, այսքանով պետք է վերջ դրվեր Արթուր Գևորգյանի հոխորտոցներին, ճշմարտությունը բարձրացավ ջրի երես։ Բայց իրավիճակը էլ ավելի խճճելու շանսը բաց չթողնող Գևորգյանը, իրեն հոգեհարազատ ոճով, լրատվականներից մեկին տված հարցազրույցում նշել է, որ ԱԻԲԱ-ն չպետք է խառնվի բռնցքամարտի ֆեդերացիայի նախագահի ընտրությունների գործընթացի մեջ, և որ այս խնդիրը պետք է կարգավորվի մեր երկրի ներսում, ՀԲՖ կանոնադրության համաձայն։
Այս հարցազրույցից հետո երևաց ցավալի իրականությունը, Գևորգյանը, ելնելով տվյալ իրավիճակից փոխում է իր կարծիքը, սկզբում «թաքնվում էր» ԱԻԲԱ-ի ետևում, տեսնելով, որ այն այլևս բացահայտել է իր կեղծարարությունը, երկրի օրենսդրությամբ է փորձում պաշտպանվել։ Ու այսքանից հետո, ինչպե՞ս կարելի է բռնցքամարտի ապագան վստահել նման մարդու։ Այլևս թույլ չենք տալու, որ խաբելով ու խեղաթյուրելով իրականությունը, որևէ մեկը մնա իր պաշտոնում: Անկասկան բռնցքամարտի ֆեդերացիան կունենա նոր նախագահ, մնում է հուսալ, որ գևորգյանանմանները միջազգային հարթակներում, այլևս չեն գցի հայկական բռնցքամարտի բարի համբավը։

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *