Որդեգրված անձը իր կենսաբանական ծնողների մասին տեղեկատվություն իմանալու իրավունք ունի․ Արտակ Զեյնալյան

Artak-Zeynalyan

Որդեգրված անձը 18 տարին լրանալուց հետո իրավունք ունի իմանալու տվյալներ իր կենսաբանական ծնողների մասին։ Այս մասին այսօր ՀՀ կառավարության նիստին ասաց ՀՀ արդարադատության նախարարի պաշտոնակատար Արտակ Զեյնալյանը։

«Այս փոփոխությունը կատարվել է՝ ի ապահովումն անձնական կյանքի հարգանքի իրավունքի: Մինչև այդ, այն չի եղել: Անձնական կյանքի հարգանքի իրավունք ունեն նաև կենսաբանական ծնողները, և կենսաբանական ծնողները, որպես այդ իրավունքի իրացման ձև, կարող են մնալ ինկոգնիտո: Կառավարության որոշմամբ՝ այս երկու իրավունքները հավասարակշռված են, որպեսզի ապահովված լինի մեկի և մյուսի անձնական կյանքի հարգանքի իրավունքը»,-ասաց Զեյնալյանն ու ընդգծեց, որ եթե կենսաբանական ծնողները չեն տալիս համաձայնություն, ապա որդեգրված անձն իրավունք ունի ստանալու գոնե այնպիսի տեղեկություններ, որոնք բավարար են․ վերջիններս կարող են դիմել ցանկացած պետական մարմին և ստանալ տեղեկատվությունը:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *