Պարոնա՛յք հանրապետականներ, իսկական տղամարդը երբեք կնոջը չի վիրավորում. հազա՛ր ամոթ (տեսանյութ)

timthumb (16)

Հայաստանի Հանրապետական կուսակցության անդամ, ՀՀ ԿԳ նախարարի տեղակալ Վահրամ Մկրտչյանը, խոսելով Երևանի ավագանու անդամ, կրթության փորձագետ Անահիտ Բախշյանի մասին, ծաղրում է նրան.

 

«Ես այդպիսի սուբյեկտ չեմ ճանաչում: Ձեր մատնանշած սուբյեկտը, այդ սուբյեկտը» և այլն: Տեսանյութում Երևում է, թե ինչպես է ՀՀԿ-ականը ցինիկ կերպով ժպտում, ինքն իրեն հերոս պատկերացնելով:

 

Վահրամ Մկրտչյանը շատ գոհ է իրենից: Պատկերացնո՞ւմ եք՝ տղամարդն, իրեն հերոս երևակայելով, ծաղրում է կնոջը: Լրագրողները փորձեցին «դարձի բերել» հերոսացող փոխնախարարին, նրան սովորեցնելով, որ կնոջը ծաղրել չի կարելի, բայց հանրապետական գործիչը շարունակում էր գոհանալ իրենով (տեսանյութը դիտեք, որպեսզի հասկանաք այդ մարդու ցինիզմի չափը):

 

Սիրելի՛ ընթերցող, հիշեցնեմ, որ երեկ էլ Անահիտ Բախշյանին վիրավորել և ծաղրելու փորձ էր կատարել մեկ այլ ՀՀԿ-ական՝ Երևանի ավագանու անդամ Արմեն Սահակյանը: Մականունը՝ Ծիտ:

 

Երբ ՀՀԿ-ական այս երկու սուբյեկտներին դնում ենք համեմատության մեջ, տարբերություն չենք տեսնում: Երկուսն էլ հարգանք չունեն կնոջ նկատմամբ, երկուսն էլ տղամարդ են, բայց ինքնահաստատվում են կնոջ հաշվին, երկուսն էլ աչքի են ընկել քրեական պատմություններով, երկուսն էլ ՀՀԿ-ական են, երկուսն էլ, ի վերջո, իշխանություն են և մեծ հաշվով՝ իշխանության հայելին:

 

Նրանք անում են այն, ինչ իրենց կարելի է: Նրանք իրենց թույլ են տալիս վիրավորել, ծաղրել և հերոսանալ այն ժամանակ, երբ մյուս՝ բարեկիրթ մարդու համար դա պարզապես զազրելի է:

 

Անահիտ Բախշյանի դեպքում այս պատմությունները ողբերգական են: Բոլորս հիշում ենք նրա ամուսնուն՝ ՀՀԿ հիմնադիրներից մեկին՝ ազատամարտիկ Յուրի Բախշյանին, ով զոհվեց հոկտեմբերի 27-ի արյունոտ ոճրագործության հետևանքով: Եկեք մտածենք, թե ով կլիներ Անահիտ Բախշյանը, եթե ողջ լիներ Յուրի Բախշյանը: Այս դեպքում գոնե ՀՀԿ հնաբնակներից գտնվեն մարդիկ, ովքեր իրենց երիտ խաժամուժին կբացատրեն, թե ով Էր Յուրի Բախշյանը մինչև հոկտեմբերի 27-ը: Տեղին կլինի, որ իրենց երիտ սուբյեկտների զազրելի արարքների համար ՀՀԿ հնաբնակները ներողություն խնդրեն իրենց զինակից ընկերոջ այրուց:

 

Ովքե՞ր կլինեին և որտե՞ղ կլինեին  Վահրամ Մկրտչյանն ու Ծիտը, եթե Յուրի Բախշյանը զոհ չգնար այդ ոճրագործությանը: Ի վերջո, այս ամենի մեղավորը ՀՀԿ-ի ղեկավար կազմն է: ՀՀԿ-ը ղեկավար կազմը չի դաստիարակում իր ներսի սուբյեկտներին: Այս մարդիկ այդ կուսակցության դեմքը ցույց տվող, նրանց բնորոշող սուբյեկտներ են:

 

Ինչ վերաբերում է տղամարդկությանը, այստեղ 2 կարծիք լինել չի կարող: Միայն թույլ և անարժան տղամարդիկ կարող են վիրավորել կանանց և ինքնահաստատվել նրանց հաշվին: Պարոնա՛յք, ինքներդ ձեզ պարզերես անելու համար ներողություն խնդրեք ձեր մայրիկի տարիքի կնոջից՝ կրթության փորձագետ և երևանի Ավագանու անդամ Անահիտ Բախշյանից:

 

Արսեն Սանամյան

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *