Փակագծեր կբացվեն

timthumb (9)

Քաղաքագետ Ստեփան Գրիգորյանը վստահ է, որ Հայաստանում սկիզբ առած համազգային շարժման ընթացքում մենք արձանագրեցինք երկու հաղթանակ՝ Մոնթե Մելքոնյանի անվան դպրոցի տնօրենին աշակերտները ստիպեցին հրաժարական տալ, ինչը վկայեց, որ քաղաքացին սկսել է պայքարել իր իրավունքների համար, իսկ մյուս կարևոր ձեռքբերումն այն է, որ միջազգային ասպարեզում Հայաստանի վարկանիշը աննախադեպ աճեց. «Վաշինգտոն փոստից մինչև Եվրանյուզ և այլ հեինակավոր պարբերականներ գրում են Հայաստանի մասին»,-ասաց քաղաքագետը:

Անդրադառնալով մայիսի 8-ին սպասվող վարչապետի ընտրությանը՝ Գրիգորյանը նկատեց, որ եթե հանրապետականները որոշեն չքվեարկել Նիկոլ Փաշինյանի օգտին, ապա ականատես կլինենք ծայրահեղ բացասական երևույթների: «ՀՀԿ-ն եթե վաղը դեմ քվեարկի՝ կճանաչվի օրենքից դուրս, իսկ եթե այո ասեն՝ շանս ունեն քաղաքական դաշտում մնալու և ԱԺ-ում փոքր ընդդիմություն լինելու»,-ասաց նա:

Խոսելով Նիկոլ Փաշինյան վարչապետի առաջիկա անելիքների մասին՝ Ստեփան Գրիգորյանը նկատեց, որ վարչապետի պաշտոնը ստանձնելուց հետո անհապաղ պետք է ազատ արձակվեն բոլոր քաղբանտարկյալները, հրատապ կարգով պետք է փոխվի ընտրական օրենսգիրքը և մաքսիմալ կարճ ժամկետներում անհրաժեշտ է իրականացնել արտահերթ ընտրություններ:

Հարցին՝ արդյոք քաղբանտարկյալների թվում են նաև «Սասնա Ծռերը», Գրիգորյանը նկատեց, որ բոլոր քաղբանտարկյալները պետք է ազատ արձակվեն, քանի որ իշխանությունները լուրջ մեղք ունեն նրանում, որ իշխանությունն արդար ընտրություններով չձևավորվեց, մարդիկ դրա համար էլ դուրս եկան փողոց և առանձին մարդիկ էլ ռադիկալ գործողությունների դիմեցին. «Քաղբանտարկյալները պետք է ազատ արձակվեն: Պարզապես Ժիրայր Սեֆիլյանը շատ հայտնի էր դրա համար նրան են հաճախ մատնանշում: Բայց ապրիլյան պատերազմից հետո կային այլ մարդիկ, որոնք բարձրաձայնեցին տարածքների կորստի մասին, ինչի համար նրանք ևս բանտարկվեցին: Փակագծերը հետո կբացվեն: Իսկ ինչ վերաբերվում է Սամվել Բաբայանին, ապա եկենք հիշենք, որ նույնիսկ իր հետ ընտրության գնացած ՕՐՕ դաշինքը նրան քաղբանտարկյալ չի համարում»,-ասաց Գրիգորյանը:

Քաղաքագետը նաև հավելեց, որ այս պահին նոր իշխանությունից հասարակության սպասելիքները շատ մեծ են, ինչը գիտակցում է նաև Հանրապետական կուսակցությունը, որի համար կստեղծի բազմաթիվ ռեֆորմներ, ինչին ի պատասխան էլ անհրաժեշտ է հրատապ կարգով անցկացնել նոր ընտրություններ:

Աղավնի Սուքիասյան

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *