Փոսից փախցրել են՝ բախվել իրար. խոշոր ավտովթար Եղվարդում

timthumb (13)

Այսօր՝ մարտի 6-ին, խոշոր ավտովթար է տեղի ունեցել Կոտայքի մարզում։ Ժամը 00։10-ի սահմաններում Եղվարդ քաղաքի Չարենցի փողոցում՝ Կոտայքի մարզի ընդհանուր իրավասության Եղվարդի դատարանի հարևանությամբ բախվել են Եղվարդ քաղաքի բնակիչ՝ 48-ամյա Գևորգ Ավագյանի վարած Opel մակնիշի 35 CF 756 համարանիշի և Կոտայքի մարզի Նոր Երզնկա գյուղի բնակիչ՝ 46-ամյա Գառնիկ Մկրտչյանի վարած ВАЗ 2106 մակիշի 21 ՏՍ 799 համարանիշի ավտոմեքենաները։

Վթարի հետևանքով Գ. Մկրտչյանը մարմնական վնասվածքներով տեղափոխվել է «Արմենիա» բժշկական կենտրոն, իսկ Գ. Ավագյանը՝ Եղվարդ քաղաքի «Նաիրի» բժշկական կենտրոն։

shamshyan.com-ը հայտնում է, որ վթարի պատճառներից է նաև այն, որ նշված հատվածում, ըստ վթարի վայրի հարևանությամբ բնակվողների, 2 օր է, հսկայական փոս են փորել՝ ինչ-որ ջրագիծ անցկացնելու նպատակով, սակայն ոչ մի անվտանգության կանոններ չեն պահպանել. բացակայում են նախազգուշացնող նշաններն ու արտաքին լուսավորությունը։

Բնակիչների մի մասը պնդում էր, որ մեղավորը ինչ-որ խանութի սեփականատեր է, մի մասն էլ մեղադրում է Եղվարդի քաղաքապետարանին։

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *