Ադրբեջանն ակտիվության նշաններ է ցույց տալիս

arm147564791845

Քաղաքագետ Տիգրան Աբրահամյանը ֆեյսբուքյան իր էջում գրել է.

«ԼՂՀ Պաշտպանության բանակի պաշտոնական հաղորդագրությունն արձանագրում է, որ «տարբեր տրամաչափի հրաձգային զենքերից հայ դիրքապահների ուղղությամբ արձակվել է 4000 կրակոց»:

Հաղորդագրությունում երկու «դրվագ» կարելի է առանձնացնել. առաջին, ֆիքսվում է, որ նախորդ գիշեր ինտենսիվ կրակ է եղել, այդ թվում՝ ԴՇԿ տիպի խոշոր տրամաչափի գնդացիրներից (500 կրակոց), ինչը ցույց է տալիս, որ նախորդ շաբաթների համեմատ կրակահերթերի թիվն էապես աճել է:

Երկրորդ՝ ֆիքսվել է, որ «հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են պատասխան գործողությունների»:

Նախորդ հաղորդագրություններում նշվում էր, որ «ՊԲ առաջապահ զորամասերը շարունակում են վստահորեն իրականացնել մարտական հերթապահություն՝ «խիստ անհրաժեշտության դեպքում դիմելով նաև պատասխան գործողությունների»:

Նման դեպքերում, ՊԲ-ն, հիմնականում, պատասխան գործողությունների դիմում է այն դեպքում, երբ հակառակորդի կողմից արձակվող կրակահերթերը անկանոն բնույթ չեն կրում, անմիջական վտանգ են ստեղծում մարտական հերթապահություն կրող անձնակազմի կամ մարտական դիրքերի ենթակառուցվածքների և դրանց սպասարկման համար:

Ուղղակի արձանագրենք, որ ադրբեջանական զինուժի ակտիվությունն սկսել է նաև կրակահերթերի ինտենսիվությամբ դրսևորվել:

Հ.Գ. Դիպուկահար խմբերի ակտիվությունը ևս պահպանվում է»:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *