Տիգրան Ուրիխանյանը չի բացառում նախկին ԲՀԿ-ականների վերամիավորումը

%d5%bf%d5%ab%d5%a3%d6%80%d5%a1%d5%b6-%d5%b8%d6%82%d6%80%d5%ab%d5%ad%d5%a1%d5%b6%d5%b5%d5%a1%d5%b6«Ալյանս» կուսակցության նախագահ, ԱԺ պատգամավոր Տիգրան Ուրիխանյանը չի շտապում նշել, թե ինչ քաղաքական ուժերի հետ է փոխգործակցություն տեսնում «Ալյանս» կուսակցությունը։

«Առաջիկայում տեղի կունենա «Ալյանս»-ի արտահերթ համագումարը, որտեղ կընտրվեն կառավարող մարմիններ և կհրապարակվի ընտրությունների վերաբերյալ «Ալյանսի»-ի դիրքորոշումը։ Իմ անձնական դիրքորոշումը ցանկացած ձևաչափի փոխգործակցության վերաբերյալ՝ հետևայլն է. անհրաժեշտ է փոխգործակցել, անհրաժեշտ է ճանապարհ գնալ, անհրաժեշտ է պայքարի մեջ լինել բացառապես այն անհատների և քաղաքական գործիչների հետ, որոնք հեռու են սեթևեթանքից ու ձևականությունից»,- Խորհրդարանում լրագրողների հետ զրույցում ասաց նա։

Դիտարկմանը՝ հավանական համարո՞ւմ է, որ ժամանակին ԲՀԿ-ից հեռացած նորաստեղծ կուսակցությունների դաշինք հիմնվի, պատգամավորը պատասխանեց.

«Հնարավոր է և կարևոր է, որ տվյալ միավորման մեջ լինեն և առանցքային դերակատարում ունենան միանման գաղափարներ ունեցող մարդիկ։ Այդ մարդիկ պետք է լինեն սկզբունք պահող, կամային հատկանիշներ ունեցող, ողնաշարով, մնացած ամենը երկրորդական է»,- ասաց նա։

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *