«ՀԺ»․Շռայլություն. Կառավարությունը մոտ 1 միլիոն դրամ կվճարի ամանորյա բացիկների համար

default«Հայկական ժամանակ» թերթը գրում է. «Կառավարությունն օրեր առաջ 550 հատ շնորհավորական բացիկներ է պատվիրել «Հայրապետ հրատարակչություն» ընկերությունից: Բացիկներից յուրաքանչյուրի արժեքը 1800 դրամ է, իսկ կառավարությունը վճարելու է ընդհանուր 990 հազար դրամ:

Կառավարությունը բացիկներն ամենայն հավանականությամբ ձեռք է բերում ՀՀ պաշտոնյաներին՝ նախարարներին, պատգամավորներին եւ այլոց ամանորյա շնորհավորանքներ հղելու համար: Ի դեպ, այս օրերին ՀՀ բոլոր գերատեսչությունները՝ նախարարությունները, Ազգային ժողովը եւ այլ կառույցներ նույնպես նմանատիպ ծախսեր են անում՝ իրենց սուղ բյուջեից հարյուր հազարավոր դրամների բացիկներ ձեռք բերում եւ իրենց գործընկերների կամ տարբեր պաշտոնյաների Նոր տարին շնորհավորում:

 Օրինակ, Հանրային հեռուստաընկերությունը 500 հատ շնորհավորական բացիկ է պատվիրել ընդհանուր 100.000 դրամ արժողությամբ: ՀՀ Քաղծառայության խորհուրդը մոտ 480 հազար դրամ է հատկացրել տոնական շնորհավորանքների եւ օրացույցերի համար: Այդ բացիկները սովորաբար կուտակվում են պաշտոնյաների սեղաններին, այնուհետեւ դեն շպրտվում՝ մեր սուղ բյուջեի պայմաններում դառնալով շռայլ ծախս»:

Առավել մանրամասն՝ թերթի այսօրվա համարում

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *