Ուղեղում բիոմարկերը շաքարախտի եւ Ալցհեյմերի հիվանդության ցուցիչ է

12780Ուղեղը շրջապատող հեղուկում գտնվող էնզիմն արտացոլում է մարդու վիճակը, եւ որքան բարձր է այդ ֆերմենտի՝ աուտոտաքսինի խտությունը, այնքան մեծ է հավանականությունը, որ հիվանդը տառապում է Ալցհեյմերի հիվանդությամբ եւ տիպ 2 շաքարախտով։ Սա հայտնաբերել են Այովայի պետական համալսարանի մասնագետները։

Հետազոտության հեղինակ Աուրիել Վիլետը պարզաբանել է, որ իր եւ գործընկերների նպատակն է որքան հնարավոր է ուղեղին մոտ հայտնաբերել հիվանդությունների նյութափոխանակային կենսամարկերները, այնքան մոտ, որքան դա հնարավոր է առանց հյուսվածքների բիոփսիայի։

 Հետազոտողները հայտարարել են, որ աուտոտաքսինի մակարդակի նույնիսկ նվազագույն փոփոխությունները, օրինակ՝ 2-ից մինչեւ 3, 3.5-ից մինչեւ 5 անգամ մեծացնում են «Ալցհեյմերի հիվանդության» ախտորոշում ստանալու հավանականությունը, իսկ շաքարախտի կամ նախաշաքարախտային վիճակի դեպքում՝ 4 անգամ։ Նախկինում նույն գիտական խմբին հաջողվել է կապ հայտնաբերել ուղեղի դեգեներացիայի եւ ինսուլինի նկատմամբ կայունության միջեւ, սակայն նոր կենսամարկերը ուղեղին իր մոտիկ լինելու հաշվին զգալիորեն ավելի ճշգրիտ արդյունքներ է տալիս։ Դրանից զատ, աուտոտաքսինի բարձր մակարդակը նաեւ կարող է կապված լինել ճարպակալման հետ։

Աուրիել Վիլետայի խոսքով՝ օրգանիզմում աուտոտաքսինի մեծ խտություն ունեցող մարդկանց նյարդային բջիջները քունքային եւ ճակատային մասերում չափերով փոքր են, երկրորդ՝ իրենք բջիջներն էլ փոքրաթիվ են։ Արդյունքում՝ այսպիսսի մարդիկ զգալիորեն ավելի վատ են հաղթահարում թեստերը, ինչը հաստատել են 56-ից 89 տարեկան 287 հիվանդների մասնակցությամբ հետազոտությունները։

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *