Կենտրոն վարչական շրջանի ղեկավար Արա Սադոյանը աշխատանքային շրջայց է կատարել բարեկարգվող բակերում (լուսանկարներ)

18083912_1456326981073839_1702844382_o

2017 թվականի Երևանի զարգացման ծրագրի շրջանակներում Կենտրոն վարչական շրջանում մեկնարկել են բակային տարածքների բարեկարգման աշխատանքները:

Իրականացվող աշխատանքների ընթացքին տեղերում ծանոթանալու նպատակով վարչական շրջանի ղեկավար Արա Սադոյանը այսօր աշխատանքային շրջայց է կատարել:

Աշխատանքային շրջայցի շրջանակներում Արա Սադոյանը ծանոթացել է Բաղրամյան 26, Մատոցի 41, 43, 45, Կողբացի 3ա և Հանրաապետության 62 բակային տարածքներում ընթացող բարեկարգման աշխատանքներին, զրուցել շինարարական աշխատանքներ իրականացնող կազմակերպությունների ներկայացուցիչների հետ, տվել ցուցումներ:

Շրջայցի ընթացքում արձանագրվել և դիտարկվել են նաև բարեկարգման և շինարարության հետ կապված մի շարք հարցեր, որոնք տեղում քննարկվել են մասնագետների հետ՝ առաջիկայում կյանքի կոչելու նպատակով:

Համալիր բարեկարգման ծրագրով բակերում կտեղադրվեն նստարաններ, զրուցարաններ, մանկական ժամանակակից խաղեր ու մարզական գույք: Բակային տարածքներնն ապահովված կլինեն արտաքին լուսավորության նոր համակարգերով:

«Կարևոր է, որ բարեկարգումից հետո բակերը լիովին ծառայեն բնակիչներին և առանձնանան իրենց ժամանակակակից տեսքով և հարմարավետությամբ: Յուրաքանչյուրս պետք է փորձենք խնամքով և հոգատարությամբ նպաստենք մեր Կենտրոնի գեղեցկացմանն ու շենացմանը»,- նշել է Արա Սադոյանը:

Հետևելով աշխատանքների ընթացքին՝ վարչական շրջանի ղեկավարը պատասխանատուներին հանձնարարել է մշտական ուշադրության կենտրոնում պահել աշխատանքների որակն ու այն ավարտել սահմանված ժամկետում:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *