Գումարով երբեք չես գնի մարդկային արժեքները, հարգանքը և պատիվը. Հովհաննես Վարդանյան

timthumb (3)ԼՈւՐԵՐ.comի հարցազրույցը՝ ՀՅԴ ռեյտինգային թեկնածու, արցախյան պատերազմի մասնակից, գնդապետ, Արաբկիր համայնքի թաղապետ Հովհաննես Վարդանյանի հետ.

-Պարո՛ն Վարդանյան, նախկինում աշխատել եք ՀՀ ոստիկանությունում, ՌՈ-ում, Գլխավոր դատախազությունում: 2016-ից թվականից Երևան քաղաքի Արաբկիր համայնքի ղեկավարն եք: Թվեք խնդում եմ այն ամենակարևոր փոփոխությունները, որոնք իրականացրել եք որպես թաղապետ: Ի՞նչ ձեռք բերեց Արաբկիր համայնքը Ձեր պաշտոնավարման այս ժամանակահատվածում:

Ղեկավարելով Արաբկիր վարչական շրջանը՝ շատ խորը գիտեմ բնակիչներին հուզող խնդիրները, ծանոթ եմ նրանց մտածմունքներին: Այս ընթացքում շփվել եմ հազարավոր մարդկանց հետ, փորձել եմ օգնության ձեռք մեկնել իրավահավասարության սահմաններում: Կարծում եմ, որ պագամավորը պետք է լինի այն պահանջկոտ միջնորդը, որը կապում է բնակիչներին և տեղական ինքնակառավարման մարմիններին: Նա պետք է մշտական կապի մեջ լինի իր ընտրատարածքի բնակիչների հետ, որպեսզի պաշտպանի նրանց օրինական պահանջները: Համոզված եմ, որ ընտրատարածքի բոլոր երեք՝ Աջափնյակ, Արաբկիր, Դավթաշեն համայնքների բնակիչները հիասթափված չեն լինի իմ պատգամավորական գործունեությունից: Ես ներքին պայմանավորվածություն ունեմ ինքս ինձ հետ՝ չանել այնպիսի բան, որի պատճառով իմ զավակները կամաչեն:

-Ինչո՞ւ երկար տարիներ ուժային կառույցներում աշխատող պաշտոնյան որոշեց աշխատանքի անցնել օրենսդիր մարմնում և ՀՅԴ տարածքային ցուցակով առաջադրվել որպես պատգամավորի թեկնածու:

Վարչական շրջան կառավարելու փորձի և ուժային կառույցներում երկամյա աշխատանքի ընթացքում ես եկա այն եզրակացության, ու մեր երկրին և քաղաքացիներին պակասում է օրինապահությունը, օրենքին հետևելը: Ես վստահ եմ, որ յուրաքանչյուր պետաշխատող պետք է զգա օրենսդիր անկողմնակալությունը իր գործունեության նկատմամբ: Մարդիկ արտագաղթում են ոչ թե ծանր սոցիալական պայմաններից, այլ՝ անօրինությունից: Կարելի է ընդունել բազում օրենքներ, սակայն նրանց անտեսումը բերում է նման հետևանքների: Անհրաժեշտ է հաստատել օրենքի իշխանություն: Դրանով իսկ կլուծենք բազում խնդիրներ, կզարգացնենք երկիրը: Ըստ մեր նոր սահմանադրության՝ խորհրդարանն է ձևավորելու կառավարությունը, ընտրելու նախագահին, իսկ ես Հայաստանի Հանրապետության քաղաքացի եմ: Ինձ համար կարևորն արդարությունն է, ազնվությունը և պատիվը: Աշխատել եմ տարբեր ոլորտներում և մեծ փորձ ունեմ: Ունեմ նաև ցանկություն՝ Ազգային ժողովում ներկայացնելու ընտրողներիս շահերը և նպաստել երկրի զարգացմանը:

-Ինչպե՞ս է ընթանում նախընտրական քարոզարշավը: Մնացել են հաշված օրեր մինչ ընտրությունները, այս օրերի ընթացքում ինչե՞ր բացահայտեցիք Ձեզ համար, հանրությունը Ձեզ ինչպե՞ս ընդունեց, Ձեր ասելիքը կարողացա՞ք հասցնել նրանց:

-Քարոզարշավն անցնում է ըստ կանոնակարգի: Ես կարծում եմ, որ մարդը ոչ թե քարոզարշավի ժամանակ պետք է բացահայտվի, այլ մինչև քարոզարշավը: Իմ կարծիքով՝ այն պետք է կրի ամփոփիչ խոսք և միանշանակ սիմվոլիկ բնույթ կրի: Մեր քարոզարշավի ընթացքում իհարկե ներկայացնում ենք ծրագրերը, ավելի ակտիվ ենք փորձում լինել: Սակայն ամենակարևորը՝ չենք խոստանում բաներ, որոնք ինքնանպատակ են և իրականությունից հեռու: Մենք մարդկանց պատմում ենք մեր մտքերի, ծրագրերի և գաղափարների մասին և չենք խառնվում նրանց կատարած ընտրությանը:

-Ինչպե՞ս եք վերաբերվում Ձեր մրցակիցներին: Քաղաքականությունն իրենից ենթադրում է նաև թեժ պայքար. մարդկային հարաբերություները չե՞ն տուժում:

Քաղաքականությունն, իհարկե, թեժ պայքար է: Սակայն ամեն բան անում եմ, որ պահպանեմ բոլոր մարդկային հարաբերությունները: Իմ մրցակիցները այլ կուսակղություններից առաջադրված բոլոր թեկնածուներն են՝ անկախ իրենց քաղաքական կողմնորոշումից:
Իսկ ՀՅԴ-ից մեր ընտրատարածքում ռեյտինգային կարգով առաջադրված բոլոր թեկնածուների հետ մենք համախոհների մի թիմ ենք կազմում, և յուրաքանչյուրիս հաղթանակը կապահովի կուսակցության ծրագրերի, գաղափարների իրագործումը խորհրդարանում: Ես վոտահ եմ իմ ուժերի վրա, որովհետև դժվար է խաբել ընտրողին դատարկ խոստումներով: Ես կողմնակից եմ քաղաքակիրթ մրցապայքարի և այն ծրագրերի իրականացման, որոնք բխում են ժողովրդի շահերից:

Կարծում եմ՝ որոշ մարդիկ, չունենալով անցյալ, ներկա և նույնիսկ ապագա, փորձում են ընտրակաշառք թեման շահարկելով, գնել մեր հայրենակիցների և գալիք սերունդների ապագան: Գումարով երբեք չես գնի մարդկային արժեքները, հարգանքը և պատիվը, դա ի վերուստ է տրված: Մենք լավ ազգ ենք, վստահ եմ, որ մենք այնքան խոհեմ ու գիտակ կգտնվենք, որ չենք տրվի նման սադրանքների, այլ կգնանք օրինապահության և արդարության ուղիով, որովհետև մենք մեր տանն ենք, մեր հողի վրա, և ոչ ոք չի կարող գնել մեր երեխաների ապագան:

-Եթե դառնաք պատգամավոր, ի՞նչ գույն կհաղորդեք Ազգային Ժողովին: Ասացեք երեք քայլ, որն անմիջապես ձեռնարկելու եք օրենսդիր մարմնում աշխատանքի անցնելուց հետո:

-Աշխատանքի անցնելուց անմիջապես հետո կսկսեմ իրականացնել այն գաղափարները և մտքերը, որոնք ի շահ մեր երկրի և քաղաքացու են: Ուսումնասիրելով ՀՅԴ-ի անցած ճանապարհը՝ ես հասկացա՝ նրանց գաղափարախոսությունը ամենահարազատն է ինձ և նրանց շահերը բխում են ազգային շահերից: Կիսում են «Դաշնակցության» քաղաքական ծրագիրը, արդարության հիման վրա կառուցվող պետության հեռանկարը: Բնական է, որ ընտրողների կողմից վստահության քվեն ստանալուց դեպքում՝ լինելու եմ կուսակցության ֆրակցիայի անդամ և առաջնորդվելու եմ ՀՅԴ-ի ծրագրով: Իսկ որպես անհատ, ամբողջ ուժս և գիտելիքս ներդնելու եմ օրինականության և արդարության համակարգի օրենսդրական և վերահսկողական բաղադրիչների հաստատմանը: Ես խոհրդարան եմ գնում աշխատելու, այլ ոչ թե հրաշագործությամբ զբաղվելու: Չեմ ցանկանում բացել փակագծերը, քանի որ սիրում եմ գործով ապացուցել և չեմ սիրում խոստումներ տալ: Ամեն բան իր ժամանակն ունի և վստահ եմ, որ մեր երկրի լուսավոր ապագան արդեն մոտենում է: Իսկ պատգամավոր դառնալուց հետո Ազգային ժողովին կփոխանցեմ կարմիր երանգ՝ ինչպես ՀՅԴ -ի դրոշն է:

 

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *