«Ալյանս» կուսակցության պետական գրանցումը մերժվել է

alyans-600x2211

«Ալյանս» առաջադիմական ցենտրիստական կուսակցությունը հայտարարություն է տարածել, որում ասվում է.

«Ս.թ. մայիսի 16-ին հազարից ավելի ՀՀ քաղաքացիների մասնակցությամբ հիմնադրվեց «Ալյանս» առաջադիմական ցենտրիստական կուսակցությունը: Ընդամենը երկու ամիս անց այդ մարդկանց թիվը կրկնապատկվեց: Անընդհատ բացվում են կուսակցության տարածքային գրասենյակներ ՀՀ տարբեր մարզերում ու քաղաքներում: Կուսակցության վարչության և հանձնաժողովների ակտիվ աշխատանքը օրեցօր ընդլայնում են կուսակցության ճանաչումն ու ժողովրդականությունը: Կուսակցության քաղաքական կուրսը և երկրում իրականացվող անարդյունավետ կառավարման ու դրանում պատասխանատուների նկատմամբ  խիստ քննադատությունն ու պահանջատիրությունը, բնականաբար պետք է առաջացներ որոշակի հակազդեցություն «Ալյանս»-ի նկատմամբ:

Ուստի, հենց այս տեսանկյունից ենք գնահատում իշխանությունների կողմից ` ՀՀ արդարադատության նախարարության ձեռքերով, «Ալյանս» առաջադիմական ցենտրիստական կուսակցության պետական գրանցումը մերժելը:

Մենք ընդունում ենք մեզ ուղղված մարտահրավերը. սա միայն քառապատկելու է մեր ներուժը: Հարկադրված,  կուսակցությունը առաջիկա օրերին կանցկացնի նոր համագումար և կպարտադրի իր իսկ գրանցումը` գործող օրենքի շրջանակներում»:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *