Ո՞ր ապուշների մտքով էր անցել շաբաթ օրը ազատության հրապարակ անվադողեր բերել

1470202_391908124276291_363557597_n
Ինձ հետաքրքրում էր, թե որ ապուշների մտքով էր անցել շաբաթ օրը ազատության հրապարակ անվադողեր բերել։ Պարզվեց, որ անարխիստների անվան տակ հանդես եկող «վաստակաշատ» մի երկու ակտիվիստներ են, ով նախկինում պարբերաբար նկատվել են տարատեսակ սադրանքների ու անիմաստ բախումներ հրահրելու մեջ։
Ճիշտն ասած, միակ գործոնը, որը ինձ դուր չի գալիս էլեկտրաէներգիայի սակագնի թանկացման դեմ բողոքի ակցիայում, դա նման կերպարների առկայությունն է ու նրանց բացահայտ ակտիվությունը։ Անարխիստներ, անդրիասիստներ, պայքարիստներ, մայդանիստներ, զոմբիներ… ինչքան ծախու ու մարգինալիզացված թափթփուկ կա մեր հասարակական դաշտում հավաքվել է ազատության հրապարակում և օրվա հրամայականն է, որպեսզի կազմակերպիչներն ու այդ հավաքներին տասնապատիկ ավելի մեծ թիվ կազմող իսկապես ազնիվ ու ադեկվատ քաղաքացիները իրենց զատեն նմաններին իրենց շարքերից, որովհետև նմանների նպատակը բախումներ ու բռնություն հրահրելն ու քաոս սերմանելն է և նրանք բացարձակապես թքած ունեն բուն պահանջների և դրանց ի կատար ածման վրա։
Եթե դա չարվի, ապա նույն իշխանությունները օգտվելու են նույն այդ սադրիչների գործոնից ու դրանք կամա, թե ակամա բերելու են նրան, որ արդար բողոքի ալիքը այլասերվի ու ճնշվի։

Արմեն Հովսեփյան Facebook

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *