Հանրային ծառայությունները կարգավորող հանձնաժողովը տարեք, չստերս բերեք

551377_391909154276188_1966966461_n
Հանրային ծառայությունները կարգավորող հանձնաժողովը տարեք, չստերս բերեք։ Ո՞վ են սրանք։ ՀԾԿՀ-ի նախագահ Ռոբերտ Նազարյանի տված հացազրույցն եմ կարդում, որտեղ սա ամեն գնով փորձում է խուսափել հստակ պատասխան տալուց, բայց վերջում չի դիմանում ու ասում ա.
«Ես ընդամենը կարող եմ ասել, որ սակագնում մի քանի բաղադրիչներ կան, որոնք ակնառուն են դարձնում, որ սակագնի վերանայման արդյունքում որոշակի թանկացում կլինի` ի՞նչ չափով, ի՞նչ մեծությամբ այդ մասին ես պատրաստ չեմ ասելու։»
Յա՜, բա բարով եք եկել։ Էդ տրյուկն էլ արդեն գիտենք. չար ՀԷՑ-ը 17 դրամ ա ուզում թանկացնի, իսկ բարի ՀԾԿՀ-ն, ով մտածում է ժողովրդի մասին, թույլ չի տալիս այդպիսի անիրավություն ու ընդամենը 7 դրամով է թանկացնում, խոսքի օրինակ։
Նազարյան ջան, ախր ի՜նչ բաղադրիչ, ի՜նչ թանկացում։ 3-րդ դասարանցի երեխան էլ կասի, որ ՀԷՑ-ը վնասով է աշխատում ոչ թե նրա համար, որ սակագինն ա էժան, այլ նրա համար, որ կորուստներն են շատ, իսկ կորուստների առյուծի բաժինը պայամանավորված է նրանով, որ խելքից դուրս փող են ատկատ անում ու քամուն տալիս։ Ինչի՞ ես պետք է վճարեմ իրենց ատկատների ու քամուն տված փողերի համար։
Ու վերջապես, Նազարյան ջան, կլինի՞ գոնե մի անգամ ՀԾԿՀ-ն՝ Ձեր գլխավորությամբ, այնպիսի որոշում ընդունի բացառության կարգով, որ համազգային հայհոյանքների տարափի տակ չհայտնվի։ Անտեր ՀԷՑ-ի պարագայում գոնե գիտենք օտարներ են, բայց դուք էլ հո հա՞յ եք, մի՞թե մի գրամ նամուս ու ազգասիրություն չկա Ձեր մեջ։

Արմեն Հովսեփյան Facebook

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *