Հայաստանի Հարկադիր կատարման ծառայությունը լիիրավ անդամի կարգավիճակով կմասնակցի Հաագայում կայանալիք լիագումար նիստին

12285956_919063218176473_1356603624_n

Դատական կատարողների միջազգային միության նախագահ Ֆրանսուա Անդրիեյի հրավերով՝ ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանի գլխավորած պատվիրակությունը աշխատանքային այցով կմեկնի Նիդերլանդների Թագավորություն` Հաագա: Այս մասին տեղեկացնում են ԴԱՀԿ մամուլի ծառայությունից:

Նոյեմբերի 25-27-ին անցկացվելիք Դատական կատարողների միջազգային միության խորհրդի ամենամյա լիագումար նիստին Հայաստանի Հարկադիր կատարման ծառայությունը կմասնակցի լիիրավ անդամի կարգավիճակով: Նիստը նվիրված է Հաագայի կոնվենցիայի ընդունման 50-ամյակին:

Հիշեցնենք, որ 2015 թվականի հունիսի 5-ին Իսպանիայի մայրաքաղաք Մադրիդում անցկացվող Դատական կատարողների միջազգային միության 22-րդ կոնգրեսի ընթացքում ստորագրվել է Հայաստանի հարկադիր կատարման ծառայության՝ Դատական կատարողների միջազգային միության լիիրավ անդամ դառնալու մասին արձանագրային փաստաթուղթը: Այն ստորագրել են ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանը և Դատական կատարողների միջազգային միության նախագահ Լեո Նետենը: Նույն օրը՝ Հայաստանի Հարկադիր կատարման ծառայությունը  արդեն լիիրավ անդամի կարգավիճակով մասնակցել է Դատական կատարողների միջազգային միության նախագահի ընտրությանը: Այնուհետ, Կոնգրեսի ընթացքում Հայաստանն ընտրվել է որպես Դատական կատարողների միջազգային միության 2016 թվականի գարնանային մշտական խորհրդի նիստն անցկացնելու  վայր:

Նշենք, որ ԱՊՀ երկրներից Հայաստանն առաջինն է, որտեղ կանցկացվի նմանատիպ միջոցառում:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *