ՌԴ ավիացիան երկրորդ զանգվածային հարվածն է հասցրել Սիրիայում ԻԼԻՊ-ի դիրքերին

timthumb

Ռուսաստանի զինված ուժերի Գլխավոր շտաբի գլխավոր օպերատիվ վարչության պետ, գեներալ-գնդապետ Անդրեյ Կարտապոլովը հայտարարել է, որ Սիրիայում ռուսական ինքնաթիռները երկրորդ հզոր հարվածն են հասցրել Ռաքքա, Դեր Զոր, Հալեպ և Իդլիբ նահանգներում ԻՊ-ի դիրքերին:

«Նոյեմբերի 18-ին Ռուսաստանի ռազմատիեզերական ուժերի ինքնաթիռները երկրորդ զանգվածային հարվածն են հասցրել Սիրիայի տարածքում զինված խմբավորման դիրքերին»,- ԿարտապոլովI խոսքը մեջբերում է «ՌԻԱ Նովոստի» գործակալությունը:

Այսպիսով՝ Տու-22Մ3 կործանիչների էսկադրիլիան Ռաքքա և Դեր Զոր նահանգներում հարված է հասցրել ԻՊ-ի վեց օբյեկտներին: Ոչնչացման թիրախներ են եղել զինամթերքի և զենքի պահեստներ, տեխնիկա, ահաբեկիչների պատրաստման ճամբարներ, ինչպես նաև պայթուցիկ նյութերի արտադրության գործարաններ:

«Տու-160 ռազմավարական հրթիռակիրները 12 թևավոր հրթիռ են արձակել Հալեպ և Իդլիբ նահանգներում ԻԼԻՊ-ի օբյեկտներին»,- հավելել է գեներալ-գնդապետը:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *