Սիրիայում քաղաքական գործընթացը չի սկսվի, քանի դեռ ահաբեկչությունը հաղթահարված չէ. Ասադ

timthumb

Սիրիայում նախագահական ընտրությունների անցկացման դեմ ոչ մի «կարմիր գիծ» գոյություն չունի, սակայն ոչինչ չի կարող տեղի ունենալ այնքան ժամանակ, քանի դեռ ահաբեկչությունը հաղթահարված չէ: Այդ մասին, ինչպես տեղեկացնում է «Արմենպրես»-ը, երկրի նախագահ Բաշար Ասադը հայտարարել է Իտալիայի պետական հեռուստատեսության առաջին ալիքի (Rai Tg1) նորությունների ծառայությանը տված հարցազրույցում:

«Եթե սիրիացիները ցանկանան նախագահական ընտրությունների անցկացում, ապա դրա դեմ ոչ մի կարմիր գիծ չկա: Եթե սիրիացիներն ինձ նախագահ ընտրեն, ապա լավ ապագա կունենան: Բայց սխալ կլինի, եթե նրանք ինձ չընտրեն, իսկ ես ցանկանամ մնալ իշխանության գլուխ»,- ասել է Ասադը: Ընդսմին նա ընդգծել է, որ քաղաքական ոչ մի գործընթաց չի կարող սկսվել այնքան ժամանակ, քանի դեռ հաղթահարված չի լինի ահաբեկչությունը:

Խոսելով Սիրիայի շուրջ Վիեննայում կայացած բանակցությունների մասին՝ Ասադը դրանք «կարևոր քայլ» է համարել, բայց, ըստ նրա, ամենագլխավորն այն է, որ «մենք (կառավարությունը և ընդդիմությունը) կնստենք բանակցությունների սեղանի շուրջ»:

Սիրիայի հակամարտության շուրջ միջազգային հանդիպման մասնակիցները Վիեննայում որոշել են, որ երկրի կառավարության և ընդդիմության բանակցությունները պետք է տեղի ունենան եկող տարվա հունվարի 1-ից ոչ ուշ, իսկ 18 ամսվա ընթացքում հանրապետությունում պետք է ընտրություններ անցկացվեն նոր սահմանադրության հիման վրա, հաղորդել է ՌԻԱ Նովոստին:

Ձեզ կարող է դուր գալ նաև

Մեկնաբանել

Ваш e-mail не будет опубликован. Обязательные поля помечены *